حوثی باغیوں کے حملے علاقائی امن و سلامتی کیلئے شدید خطرہ ہیں، وزیر اعظم عمران خان

وزیر اعظم عمران خان نے ابوظبی کے ولی عہد محمد بن زید النہیان سے ٹیلی فون پر گفتگو کرتے ہوئے کہا ہے کہ حوثی باغیوں کے حملے علاقائی امن و سلامتی کیلئے شدید خطرہ ہیں۔

وزیر اعظم آفس سے جاری کردہ بیان کے مطابق عمران خان نے متحدہ عرب امارات کی مسلح افواج کے ڈپٹی سپریم کمانڈر محمد بن زید النہیان کو ٹیلی فون کیا اور 17 جنوری کو شہری سہولیات کے مرکز پر حوثی باغیوں کے گھناؤنے دہشت گردانہ حملے کی شدیدمذمت کی۔

انہوں نے متحدہ عرب امارات کی قیادت، حکومت اور عوام کے ساتھ بھرپور یکجہتی کا اظہار کیا۔

The Prime Minister strongly condemned the heinous terrorist attack by Houthi militia on civil facilities in Abu Dhabi on 17 January 2022. He offered deepest condolences to the families of all the victims and prayed for speedy recovery of the injured.

— Prime Minister's Office (@PakPMO) January 19, 2022

وزیر اعظم نے مزید کہا کہ ایسے حملوں کا کوئی جواز نہیں اور ایسے حملوں کو فوری روکے جانے کی ضرورت ہے جو علاقائی امن و سلامتی کے لیے شدید خطرہ ہیں۔

انہوں نے اس حملے کے متاثرین کے اہل خانہ سے اظہار تعزیت کیا اور زخمیوں کی جلد صحت یابی کے لیے دعا بھی کی۔

ولی عہد محمد بن زید النہیان نے وزیر اعظم عمران خان کی جانب سے بھرپور حمایت کے اظہار پر ان کا شکریہ ادا کرتے ہوئے اس المناک واقعے میں جاں بحق ہونے والے پاکستانی شہری کے انتقال پر تعزیت کا اظہار بھی کیا۔

The Crown Prince thanked the Prime Minister for the strong expression of support, and also offered condolence on the sad demise of a Pakistani national who died in the tragic incident.

— Prime Minister's Office (@PakPMO) January 19, 2022

واضح رہے کہ گزشتہ روز وزیر خارجہ شاہ محمود قریشی نے بھی اپنے اماراتی ہم منصب شیخ عبداللہ بن زید النہیان سے بات کرتے ہوئے ابوظبی کے ‘شہری علاقوں پر گھناؤنے دہشت گرد حملے’ کی شدید مذمت کی تھی۔