پاکستان سٹاک مارکیٹ میں کاروبار کے دوران تیزی کے بعد مندی

کراچی: پاکستان سٹاک مارکیٹ میں کاروبار کے دوران اتار چڑھاؤ کا سلسلہ جاری ہے۔

کاروباری ہفتے کے پہلے روز سٹاک ایکسچینج میں کاروبار کے آغاز پر ہی تیزی دیکھنے میں آئی، 400 سے زائد پوائنٹس کے اضافے کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 12 ہزار 524 پوائنٹس کی حد کو چھو گیا۔

بعدازاں ٹریڈنگ کے دوران سٹاک مارکیٹ منفی زون میں چلی گئی، 200 سے زائد پوائنٹس کی کمی کے ساتھ سٹاک ایکسچینج میں ہنڈرڈ انڈیکس ایک لاکھ 11 ہزار 847 پوائنٹس کی سطح پر ٹریڈ کر رہا ہے۔

واضح رہے کہ گزشتہ کاروباری ہفتے کے آخری روز پاکستان سٹاک ایکسچینج کا اختتام منفی زون میں ہوا، 100 انڈیکس 478 پوائنٹس کمی سے 1 لاکھ 12 ہزار 85 کی حد پر بند ہوا تھا۔

دوسری جانب انٹر بینک میں امریکی کرنسی 6 پیسے سستی ہوئی ہے، انٹر بینک میں ڈالر 279 روپے 21 پیسے سے کم ہو کر 279 روپے 15 پیسے پر آگیا ہے۔

یہ ویڈیوز بھی دیکھیں: