چین نے 2ارب 30کروڑ ڈالر پاکستان کو دے دیے: مفتاح اسماعیل

وزیر خزانہ مفتاح اسماعیل نے کہا ہے کہ چین نے 2ارب 30کروڑ ڈالر پاکستان کو منتقل کردیے ہیں۔

اپنی ٹوئٹ میں مفتاح اسماعیل نے بتایا کہ ’مجھے یہ بتاتے ہوئے خوشی محسوس ہورہی ہے کہ چینی بینکوں کے کنسورشیم نے تقریباً 2.3 ارب ڈالر کی رقم آج اسٹیٹ بینک آف پاکستان کے اکاؤنٹ میں جمع کرادی ہے جس کے بعد ہمارے زرمبادلہ کے ذخائر بڑھ گئے ہیں۔‘

I am pleased to announce that Chinese consortium loan of RMB 15 billion (roughly $2.3 billion) has been credited into SBP account today, increasing our foreign exchange reserves.

— Miftah Ismail (@MiftahIsmail) June 24, 2022

خیال رہے کہ گزشتہ دنوں قرض کیلئے چینی بینکوں کے کنسورشیم کے ساتھ پاکستان کا معاہدہ ہوا تھا۔

ذرائع وزارت خزانہ کا کہنا ہے کہ چین کی طرف سے دیا گیا قرض کمرشل ہوگا، قرض پر شرح سود 1.5 فیصد شائبور (شنگھائی انٹر بینک آفر ریٹ) ہوگی۔