میٹرو بس کے شمس آباد سٹیشن کا نام تبدیل ، ختم نبوت سٹیشن رکھ دیا گیا

راولپنڈی:راولپنڈی اسلام آباد میٹرو بس کے شمس آباد سٹیشن کا نام تبدیل کرکے ختم نبوت سٹیشن کردیا گیا۔سیکرٹری ٹرانسپورٹ پنجاب کے دورے میں بھی تبدیلی ہوگئی ہے۔ انہوں نے جمعہ کو راولپنڈی کا دورہ کرکے میٹرو اتھارٹی آفس بھی جانا تھا اب پیر کو راولپنڈی آئیں گے۔دورہ کے دوران وہ میٹرو حکام کے ساتھ میٹنگ میں منصوبہ کا بھی جائزہ لیں گے۔شمس آبادسٹیشن کے نام کی تبدیلی سوشل میڈیا پر وائرل رہی۔میٹرو انتظامی ذرائع کے مطابق نام کی تبدیلی کا مراسلہ ڈپٹی کمشنر آفس سے موصول ہوا تھا۔